حذف الحساب وبياناته
تقدر تحذف حسابك — أو حساب ابنك — وكل البيانات المرتبطة بيه، في أي وقت، من غير ما تطلب من حد.
أسرع طريقة: من داخل التطبيق
لو الحساب حسابك: افتح التطبيق ← «حسابي» ← «حذف الحساب».
لو الحساب حساب ابنك: افتح التطبيق بحساب وليّ الأمر ← اضغط على اسم ابنك ← «حذف حساب الابن».
الحذف بيتم فورًا، ومفيش خطوة مراجعة ولا انتظار.
لو التطبيق مش موجود عندك
ابعت رسالة من نفس البريد المسجّل على الحساب — أو من بريد وليّ الأمر لو الحساب لطفل — إلى:
واكتب في الرسالة:
- اسم الحساب المطلوب حذفه (البريد الإلكتروني أو اسم المستخدم).
- إنك صاحب الحساب أو وليّ أمر صاحبه.
بنرد ونحذف الحساب خلال ٧ أيام عمل على الأكثر.
اللي بيتحذف
- الاسم والبريد أو اسم المستخدم وكلمة المرور.
- الصف الدراسي والمسار.
- كل الإجابات والمحاولات والأخطاء والنقاط وتواريخ النشاط.
- الارتباط بوليّ الأمر، والعضوية في أي مجموعة معلّم.
- كل جلسات الدخول.
الحذف نهائي ولا يمكن التراجع عنه. مفيش نسخة محفوظة يرجع منها التقدّم.
حالات بيترفض فيها الحذف مؤقتًا
الرفض هنا معناه إن فيه حاجة تخص حد تاني لازم تتحل الأول:
- حساب وليّ أمر مرتبط بأبناء: احذف حسابات الأبناء أولاً (أو خلّي إدارة المنصة تفك الارتباط). حساب طفل من غير وليّ أمر يبقى حساب محدش يقدر يستعيده.
- حساب معلّم عنده مجموعات: احذف المجموعات أولاً، عشان التلاميذ ما يفقدوش أماكنهم فجأة.